TAYAMMUM KA BYAN

Tayammum Ka Bayan

Jisko Wazu Ya Gusal Karne Ki Jarurat Ho Aur Pani Na Mile, Ya Pani To Hai Lekin Uske Istenal Se Sakht Bimari Ho Jane Ka Dar Ho, Ya Bimari Badh Jan Ka Dar Ho Ya Rassi Ya Dol Yani Kunwe Se Pani Nikalne Ka Saman Moujud Na Ho Ya Dushman Ka Dar Ho, Ya Safar Main Pani Ek Mile  Ke Fasle Par Ho To In Sab Suraton Main Wazu Aur Gusal Ki Jagah Tayammum Kana Durast Hai.

💚  Tayammum Ka Tareeqa
(1) Tayammum Main Niyyat Farz Hai, Yani Pehle Ye Niyyat Kare Keh Main Napaki
      Door Karne Ke Liye Ya Namaj Padhne Ke Liye Tayammum Karta Hun.

(2) Niyyat Ke Baad Dono Hatho Ki Hathliyon Ko Ungliyon Sameet Pak Mitti Par
      Mare Fir Hath Jahd Kar Tamam Muh Par Male, Aur Jitna Hissa Muh Ka Wazu Main
      Dhoya Jata Hai Utne Hisse Par Hath Pohonchaye.

(3) Fir Dobara Usi Tarah Mitti Par Hath Mar Kar Hatho Ko Kehnu Tak Male,
      Aur Ungliyon Ka Khayal Bhi Kare.

📖 MasAla 1
     Wazu Aur Gusl Ke Tayammum Main Koi Farq Nehi Hain, Aur Jitni Paki
     Wazu Aur Gusl Se Hoti Hai Utni Hi Tayammum Se Bhi Ho Jati Hai.
     Agar 20 Saal Bhi Pani Na Mile To Tayammum Hi Karta Rahe.

📖 MasAla 2
     Agar Kisi Par Gusl Farz Hai To Wazu Aur Gusl Ke Liye Ek hi Tayammum Kafi Hai.
     Wazu Aur Gusl Ki Niyyat Karke Alag Alag Do Martabah Tayammum Karna Lajim Nehi.

⛔ Nawaqiz e Tayammum
     Jo Cheej Wazu Ko Tod Deti Hai Us Se Tayammum Bhi Toot Jata Hai,
     Pani Ka Milna Aur Uske Istemal Par Qadir Hona Bhi Tayammum Ko Tod deta Hai.